The following is a free Christian article by Mark and Patti Virkler which has been translated into Ngawn and is available for free in electronic form. We encourage you to download and circulate it freely.

Download: Pathian Hi Aw Cu Noh Vang Za Thei Zo U Ci 

Pathian Hi Aw Cu Noh Vang Za Thei Zo U Ci

Biaknak tampi lak ah Khrihtian biaknak hi a lamdang zetmi biaknak hi. Aitahumtitale, hi biaknak pakhat bek hi i hem poh bawl tu Pathian tuah pawlkom in pehzom dun hi tih mi cu taanglaih cawng bek hi ngawl in a tu le kum khua in pehzawm dun tuk hi  “ Pathian a theih theih haw nak tuk in kumkhaw nunnak” tih mi Jesui awn kam ah mu hung (John 17:1) . Jesu Khrih tuah pehzawmnak nei tih mi hi thupha zet hi tih mi Kohhran ten a theih haw ngawl hi pawi zet hi “ Ka tuu cun ka aw za haw”tih mi umtu tampi cun thei leleng haw na ven nun rori ah muhtuk um ma hi.Hi pehzawm dunnak bek in umtu tei thinlung sungah lungkim zet tihmi nun nei thei haw tuk hi.

 ( Haba.2:1-2 ) sung a Pathian aw theihnak cabi pa (4) ka theih lan ah cun  tuu khal tui aw a thei ngawl mi tuu pakhat hi bok ing.

Cabi  # 1. Na thinlung sung ah Pathian hi aw cu amah no in luang hi.

Habakuk cu Pathian hi bawl tik mi aw cu thei hi (Heb.2:2). Elijah vang in “A meng zet mi aw”(1Siang 19:12) tin ti hi. Kei vang ka sung lam pen a zak theih mi  aw cu ngai leleng ing. Mahtin Pathian in otpih leleng hi. I leh bang leh Pathian hi aw cu amah no um cawm mi thinlung lam muhnak mahmatale thinlung sung a lang mi sialsiahnak bang hi ti mu thei hung.

Tiamtehnak, lampi ah na hawh lih laih in mi pakhat ca thu nget tuk na thinlung ah um awng maw? Pathian in thunget sak tu tuk in hilh hi tih mi um a cim? Pathian hi aw cu ai tin kaw? Zaak theih maw? Mahmatale na thinlung sung ah amah no in tul cawm kaw?

Amah no a ngaihsutnaka heng mi, thinlung ah cam lo mi ngaihsutnak le muhnak hawvangtuah pehzawm dun tih mi a theih theihnak tuk a son nuam mi hi. Laithiangtho sung ah pehzawm dunnak tih mi a phunphun in ngan hi.

Tiamtehnak, ngaidam kun tih mi cu Hebru awn in (Baka) ti haw. Luta thu lai tan tih mi cu haksatnak sung pen hun canpha pakhat mahmatale ngaihsut bat ngawl khen tampi tih nak hi. Pathian in oh thinlung sung ah a koih ten (Baka) haksatnak tawk in ngaihsut bat ngawl hun canpha tih mang in oh tei thinlung sung ah na dek hi.

Mahhang in Pathian hi aw cu amah no in ngaihsutnak ah mahmatale haksatnak lak te pen za thei hung hi.

Cabi #2. Dapno in um in, Pathian hi lak pen a tul mi cingcai zet thu ngaihsutnak le thinlung lam theih thiamnak nei tuk ci.

Habakuk, “ Kei cu ka khunnak ah ding in” tin ti hi (Haba.2:1). Habakuk cu Pathian hi daihnak le sunglam pen a mah no a tul cawm mi theih thiamnak tih mi thei hi. Amah cu thawngvang um ngawlnak mun ah hawh in a thinlung ngaihsutnak hempoh cu dap no in um tik kul ti thei hi. Saam 46:10 ah oh te cu dap no in um den in Pathian cu Pathian a hihnak a theih theinak tuk in bawm hi. A pumpi le thinlung dap no in a cawlh tik uh ten a aw za thei hung. Dap no in a cawl uh matale ai mu ngaihsutnak bek thei tuk hung.

Pathian na itnak cu thawmvang um ngawlnak mun ah la sa in hun na mang tale na thinlung ah a aw za tuk ci. (II Siang.3:15). Ka ngaihsutnak hempoh cu  cawl in a ma aw heng tuk cu dap no in ngak ing hi. Thiam ngawlnak mahmatale sualnak a ngai sung uh tale  sual ngaithiam kun in Khrih thisen hang a mi ding a hih uh bek hi ngawl in felnak puan tuah tuam zo mi a hih uhnak  Pathian mai ah mi luat a hih uhnak mu hung. (Isai.61:10; IKor.1:22).

A thianglim mi Pathian hi aw a co uh theihnak tuk aimu thinlung hi thupi zet hi. A ngaihsutnak uh in a thinlung uh a uk tak cu.Jesu Khrih cu zo leng ina na thinlung ah theih mi nei tuk ci. Pathian lam ah na thinlung hong in na, a aw za thei tuk ci. Nangma lam hihnak hempoh cu cawl den in hi. Na thinlung venghawng in Jesu zo in hi.

Jesu bek zoh lelengnak (Heb.12:2) tih mi ah hin na thinlung sung a um mi cu Jesu lah ah hilh tihnak hi. A mah no a heng cawm mi ngaihsutnak cu Pathian upnak pen hung tuk hi.Siangphahrang  hempoh lak pen Siangphahrang  tuah thu ngai rori in ot pih dun tuk uh ci.

Cabi  # 3. Na thu ngaihsutnak hempoh Khrih ah thum in thu na ngen ta le Pathian hi aw le a tik mi thei tuk ci

Habakuk in “ Kei cun ngak leng ing hi” tin ti hi. Pathian in “na muhnak cu ngan in” tin ti hi (Haba 2:12). Habakuk in thu a nget sial ten muhnak ngakhel zet leleng hi. A thinlung kongka hong in Pathian hi lak mi mu tuk in a thinlung mit in zo hi. Hi thil hi thinlung ngaisutnak pen hi.

Pathian in muhnak mang in otpih leleng hi. Hawvang Thiangtho cu na hum ah leih tung tin ti hi (Nungzui 1:1-4,17).

Ka thinlung mit hong in muhnak mu tuk ngak awng mang I leh bang leh Pathian in deh tik a nuam mi cu um ing hi. sunglawi zet mi Pathian hi na deh dan le muhnak mu tuk in ka thinlung sung mit hong ing.Ka el nai ah vancung mi kiim haw a ma, Pathian Hawvang thiangtho, I lai hempoh ah um Pa Pathian, I lai hempoh ah um Jesu Khrih te um tih mi hi. Mah mi thudik ka muh thei ngawlnak cu up ngawlnak hang mahmatale theihnak dom lei ta hang hi.

Muh theihnak tuk zoh kul hi.Denial cun a thinlung ah muhnak mu in “  zoh leng ing hi.” tin ti hi.(Denial 7:2,9,13). Thu ka nget sial ten Jesuzo ing. Ka up le ka zoh bang ka thinlung ah a aw le a na deh te mang in otpihhi. Khrihtian hempoh in za thei hung hi.Jesu  cu Imanuel aimu lak ah um a hihnak (Mat.1:23) hang in mu hung.Khrih cu nangmah tuah um a hih hang nangmah ah um hi.Thungai  ti en cun muhnak tih mi hi baih lei ta tak cu muangmuah haw tuk hi. Nangmaca tih mi hilh nuam ing. Mah mi cu ngan in na donak a um tale Pathian lak pen tih mi ciang tuk ci, mahten upngawlnak te pai in nehnak nun co tuk ci.

Jesu cu Pa tuah pehzawm dun leleng haw.Keima thu in I mah bawl mang hi, Pai tik mi bek bawl in Pai bawl tin kim a muh  mi bang bawl hi ti lang hi(Mat.5:19,20,23).Muanmawh tuk hihim um ma hi. Jesu hi bawl mi bang Pathian hi deih dan dek tuk in na ca,cang thei ni maw? Cang thei hi. Jesu bek zo in hi.Puan zak cu khen in Pathian hi mai ah kun tuk in le naih tuk in nangmah sam hi (Lk.23:45; Heb.10:19-22).Na thinlung kongka hong in um tahen ti thunget sak ing.

Cabi # 4. Thunget mi le aphi ngan leleng en Pathian hi aw a theihnak tuk uh lampi pakhat hi.

Pathian in Habakuk cu a muhnak ngan tik hi.(Haba.2:2).A dang no thupiak hi ma hi. Bible sung ah mi pakhat hi thungetnak Pathian hi letmi tampi um hi. (Tiamtehnak, Saam sung ah,Profet pawl laibu sungah,Thuphuan).

“ Thu um dan laisung khum in” tih mi cun Pathian hi thu thei thei hung, a mah no heng cawm mi ngaihsutnak mangbangza mu thei hung.Aitahumtitale, upnak tuah ka khum mi cun Pathian cu upnak thil ti theinak a hihnak hi. Pathian muangmuah thah sih a ka ngah ten amah cu um zet leng nei ing ti thei ing. Muangmuahnak ah upngawlnak vang tel hi. Mah mi upngawlnak cu Pathian tuah pehzawm dunnak kham tu hi. Upnak hang in ni sial ngan tuk mi le sialsiah tuk mi suak hi. Aw ka theih leh ngawl tawh ten muangmawh ing hi. Mah te hempoh cu bible tuah kaih hi ti mu ing.

Ni sial na ngankhum mi cu am sa tuk ci. A patnak ah upngawlnak cu na ca kham tu hi  tuk hi. Mahnaven hi upngawlnak cu do in hi tih mi cu  Bible daih dan hi. Pathian hi mel bang lang mi cu oh a catei ca ot pinak hi. Ai mu zuamnak hempoh vawk in a um uh tale a ma deihnak cu mu hung (Heb.4:10). Dap no in khung in thangphat in,a mel zei in amah ah na thinlung kawih in Pathian cu thu dawng in hi.Jesu bek zo in na thu pha zet thei paih tuk ci.laibu sung ah um zet in ngan paih in hi. Tu nung ten  na sial leh ten Pathian hi aw cu thei tuk ci.

Nungdawlbel : Bible mang in Pathian thei tih mi ah hin na thinlung thupi bel hi.Pathian thu cu um in nun pi tung tin ap dun in hi. Na khan tohnak tuk ca thupi zet hi. A kho zet mi hawvang lam thu tuah vang peh dun hi.Ni sial ngan in na khum lan ah nangmah ngaihsutnak piatu tei thu vang thupi zet in ngai sung in hi.